鄭欣宜新年推跳舞勁歌

歌手鄭欣宜(Joyce)踏入新一年破繭而出，時隔七年後再炮製強勁節奏跳舞歌。Joyce說：“我同公司都一直想搵一首節奏好勁、好有氣氛、可以打響今年頭炮的歌。我一收到呢首歌已經好鍾意，因為首歌好有態度、好有氣氛！我一直好想製造一種感覺，即係唔使理會別人點睇你，跟隨自己感覺走。”

Joyce新作製作規模十分龐大，幾十人的團隊由白天拍攝到凌晨，花了十多二十小時才完成。為配合新歌舞動節奏，製作團隊更為Joyce設計多款閃亮舞衣；要特別留意的是Joyce手上的“五爪金龍”水晶長指甲，襯起搖曳舞姿，真的聲色奪人。

Joyce 指今次製作班底之前從來各自均未試過合作：“每一個單位都係我親自搜索，所以埋位之前都大家都好緊張，幸好大家都非常專業，所以拍攝當天好順利。當然，最幸運係搵到一位好勁的排舞師，跳舞歌一定跳到飛起。連日來排舞都好順利，排舞師好犀利，令到唔係專業舞蹈員的我都跳得似模似樣。希望大家聽到呢首歌都會覺得朝氣勃勃、好有力量、好積極、好有自信，新一年龍精虎猛啦！”