天域翱翔留放合度

浩勝駿爵路有專長

上仗牛年賀歲馬完結，新正頭入場馬迷比平日多，當日馬會有醒獅表演及財神派利市，氣氛熱鬧。全日投注額四百六十萬元，是近年較弱一次，但今個新年有馬跑，好過去年因疫情影響要停賽。

練者馮耀正牛年首戰策動攻勢，憑“天域翱翔”及“浩勝駿爵”起個孖寶，現時以十七場頭馬排名次席，還差前領錢健明七場頭馬，今季能否衛冕冠軍還未可知。馮廄馬一向鬥志好，能派上戰陣者必拼，旗下“天域翱翔”前仗田中正一跑千二米落敗，上仗原配捲土重來，復跑千五米挫敗“珍珠勁旺”，騎者留放有度，發揮上佳水準。此駒底子優厚，上季連取四捷用得頗盡，季尾連敗旨在減分，今季回氣後可派用場，練者對此駒保養功夫亦做得好，部署出擊有心得。“天域翱翔”共取十一W戰績出色，但六歲馬實力有點見盡，日後遇強手打硬仗，捧場須小心。廄友“浩勝駿爵”上仗高君濤操刀贏來兵不血刃，反映馬匹潛力不凡，前仗一五一○米有頭無尾，跑來似路程嫌長。拼後練者重新部署出擊，上仗復爭一三五○米跑來有前有後，更贏至對手無力招架，由此可見，路程是否適合，對馬匹至為重要。“浩勝駿爵”一三五○米四戰取兩冠兩亞，連贏位未甩過拖，上名率百分百，跑沙地腳法閒熟，四歲馬還有進步，下次再來未宜小覷。