張兆輝為戲增肥做人難

張兆輝昨日亮相電影《被消失的凶案》的開機儀式，他表示休息了一段時間，多謝導演羅守耀讓大家有機會聚在一起：“希望新一年大家都有工開，影圈生機蓬勃。”

張兆輝在片中飾演一名老差骨，他笑指今次難度在於演繹上不能如以往般有形威猛，還要為角色增磅：“今次冇得Chok，導演要我食肥啲，令身形脹少少，所以由初一至今，我日日早午餐都食蘿蔔糕，依家重咗幾磅。不過老婆見到我有咗肚腩就會話：你睇你依家似咩？個肚腩搞到咁樣！所以真係好辛苦，導演要我肥，但老婆就想我瘦。我只能話係角色需要，會就住。”

談到他早前在內地拍攝一場開槍戲時，因霰彈槍槍聲過響令耳部受傷，須立即送院接受醫治。輝哥表示已沒有大礙：“只係頭幾日感到頭痛，現在已好了很多，亦沒有再出現耳鳴。有過今次經驗，下次會戴耳塞，較穩陣。”