浩勝駿爵 可復前失

今午牛年賀歲馬，六場賽事戲碼精彩。今年受疫情影響，會方無舉辦盃賽。馬迷入場可欣賞醒獅表演及獲派利市，不容錯過。是仗形勢頗混亂，要揀馬膽唔易，投注宜臨場執生。

前領高君濤鼠年送歲賽勝出“幹細胞”，現以二十二場頭馬領先。此子同張志立頭馬數字一樣，只是二馬較多排頭位。今仗高君濤六駒在手，多屬實力馬，拼盡可數餬，不妨吼緊。

第四場：三四班千五米。“縱橫萬里”上仗千二米庸手操刀跑入冷位，馬匹表現予人好印象。拼後走馬換將，由高君濤主轡來者不善。此質新馬進步良多，增程跑千五米尤合腳法，今仗強配出擊，憑人馬實力可爭取開齋。

第五場：三班一三五○米。“浩勝駿爵”上仗沙地一五一○米力拼梗頸，走至埋門始敗，但未脫節。拼後加強備戰，論馬狀態保持得好。此駒沙地性能卓越，今回師一三五○米最合發揮，蓋此程三戰不勝有位。強配高君濤戰鬥力增強，拼盡可復前失。

第六場：四五班一○五○米。“有玩意”上仗艾比跑同程殺入冷位，走勢復勇。今次交高君濤押陣，不會無的放矢。“有玩意”均速馬竄勁夠強，跑短途可憑直路衝刺退敵。拼後重新打磨，埋門快試火氣驟增，今仗原程出擊，路合無疑，可一網打盡。