余詠珊人走老公涼

高貴嘅嘟姐和她的兩件“垃圾”出現生死存亡問題了，“一直由我安排的，現在交曾志偉決定是否繼續。”曾是藝員心目中“命運之神”的余詠珊，因TVB內部一紙通告，即刻成為一嚿雲，升上“神檯”當李寶安助手睇住盤數，藝員與節目都無從置喙了。

“命運之神”刹那消失，星夢娛樂CEO何哲圖亦正式離任，親手提拔的紅人如何面對一朝天子一朝臣呢？

“星夢一姐”菊梓喬年前加盟，深得老闆力捧，現在靠山他去，但她的經理人合約屬於無線，相信未受影響。人一走，茶未必立即涼：“佢對我哋好好，多謝佢咁多年照料，希望佢繼續為樂壇帶來好嘅音樂。”據傳何哲圖自組唱片公司，以償多年夙願。

樂壇奇葩鄭俊弘當年由五線藝員倏地在《星夢傳奇》奪冠，他說：“新一年我有新開始和嘗試。”原來他已跟星夢約滿。

去年初加盟星夢的JW王灝兒多謝何哲圖照顧外，還說：“細個已好鍾意睇《超級無敵奬門人》同埋志偉的電影，對佢有信心。好似志偉咁講，一齊進步、帶畀市民歡樂，一齊製作好嘅節目同音樂畀大家。”

余詠珊與何哲圖聯手打造的《星夢傳奇》眞人騷，原定三月七日舉行決賽，突然被急刹停。監製陳旭亮承認：“係Hold住咗，未知是否繼續，等候志偉決定。”

“之前度咗新節目畀汪阿姐與嘟嘟，睇吓志偉能唔能夠去搞。”已不稱“哥”和“大佬”了，余詠珊回應被削權問題：“從來唔覺得權力係啲乜，權力越大責任越大。”她強調老公何哲圖會成立個人品牌公司，離任與曾志偉無關：“佢都好攰，考慮幾個月才有呢個決定。”何哲圖回應傳媒：“在星夢工作七年十分愉快，一年做五十個製作，華人地區還多咗人聽廣東歌。志偉係一個好好的前輩，有佢睇住冇問題。”

高 梁