新歌MV嘉賓義助出鏡

石詠莉記錄美好時光

石詠莉的新歌延至近日終於面世，由老公鄧健泓執導的MV亦完成製作。鄧健泓感激幾位在MV出鏡的嘉賓，特別提到鄧達智夫婦一口應承相助，令他非常感動。

石詠莉(Sukie)的新歌《100歲備忘錄》原定去年推出，但受疫情影響被迫延期，直至近日終於面世。Sukie透露今次在構思歌曲時，原本是想把自己和老公鄧健泓(Patrick)的經歷寫進歌內：“但又怕大家睇到作嘔，所以就改寫成一段關係的相處之道，希望帶出好好記得及珍惜一段關係的每一個細節、笑容及動人時刻的訊息。”

新歌MV繼續由Patrick執導。他表示兩公婆最初其實要籌拍一個微電影MV：“描述一個畫家的成功歷程及愛情故事，但因為我們是獨立音樂人，沒有公司支持，要完成這個計劃會超出預算資金的數倍，所以無奈放棄，改為Sukie在MV中飾演攝影師，用相機去拍下幾對嘉賓，以表達維繫關係的重要元素。”

義助MV拍攝的包括陳倩揚夫婦、時裝設計師鄧達智與丈夫Clement、音樂人葉肇中和沙畫師女友Snow、長者樂隊At70和三位十幾歲的少女，以及Sukie的愛犬“肥毛”，以MV畫面記下嘉賓在相處中“好好記得”的時刻。

Patrick兩公婆除了親自邀請嘉賓外，又要分頭撲道具、搵服飾、約“妝頭師”等等，“兩腳踢”完成整個MV的製作。Sukie覺得能夠繼續做自己喜歡的歌已經非常開心，亦希望藉住歌曲帶給大家窩心、溫暖的正能量。她直言兩夫婦的相處亦試過高低起跌：“之前同Patrick的關係曾經出現問題，當時有迷惘，於是我就坐到一邊思考，拎起手提電話慢慢重溫一遍兩人的相。原來隨住時間過去，自己會唔記得咗兩個人之間的快樂同美好片段。所以我想憑呢首歌令到大家好好記得同珍惜兩個人開心的時間，之後一切可以更加好，老來都唔會後悔，所有感情都可以歷久常新。”

負責製作同執導的Patrick表示在疫境下自資唱作，於獨立歌手而言並不容易：“好多人都問呢個時勢，又冇唱片公司、冇投資幫助的情況下，點解我哋仲做原創音樂？因為我哋好鍾意廣東歌。一九年Sukie的成績幾好，拎到幾個有鼓勵性的獎項。但奈何星娛樂舊公司人事變動，我哋去年二月和平解約。但我哋唔想就咁放棄，依家目標係好想Sukie有一兩首屬於自己的代表作。”Patrick又感激幾位在MV中出鏡的嘉賓：“特別係鄧達智夫婦一口應承，令我非常感動。”