白雲繞桃花兜圈吸人緣

藝人白雲日前接受香港開電視主播馬梓軒訪問，並親自下廚炮製“七彩撈起拌和牛”，盼牛年大紅大紫。

回顧去年，白雲表示工作上有很大轉變：“我諗住除咗香港，都想開發台灣、北京的拍攝工作，但因為疫情令好多項目告吹，所以要好勤力咁去北京幾個月搵嘢做。但我覺得逆境真係會鍛煉人，重新計劃所有工作之餘，亦會有些新機會出現。”

在天津出世的白雲，分享了小時候在家鄉過年的傳統習俗：“在北方過年一定要食餃子同湯丸，我和媽咪通常由下午開始就坐定定包餃子，數量足以食一個月！其實我覺得媽咪係想一次過整多啲，過年後唔使日日煮飯咁辛苦，哈哈！”

白雲坦言入行後，覺得人緣更為重要，所以每年一定會圍繞桃花樹兜圈：“我只要見到有桃花的地方，無論商場、花市都會行埋去兜圈！我記得有一次去朋友屋企，見到角位擺放一棵好大的桃花，開得好靚，我於是叫朋友將棵花移出來畀我兜圈！”