譚耀文張建聲打戲打到暈

香港戲院有望重開，由譚耀文、張建聲、張繼聰、栢天男主演的《逃獄兄弟》亦準備近期上映。譚耀文說：“該片係近年香港少有的監獄題材，有緊張有搞笑，當中有場戲同阿聲埋身打，大家更互有損傷。苦等七十多日終於上映，相信觀眾同我一樣急不及待想衝入戲院睇戲。”

這場講述飾演獄中兩大龍頭之一的譚耀文，在充滿鐵床架的監倉中挑戰張建聲的“男人之戰”戲份，打足五小時，就連拍攝經驗豐富的譚耀文也支持唔住：“拍攝前，我以為自己拍打戲好有經驗，但開機前見阿聲不斷做掌上壓，即時覺得好大壓力！阿聲好專業，大家拍攝前都有諗吓招式上點樣可以做好啲，所以即使拍得好辛苦都值得。”

張建聲因為角色設定關係，要赤膊上陣，不單十日內大減十五磅，拍攝時更要在毫無衣物保護的情況下大戰。他說：“劇組已經很細心地在床邊櫃邊貼上膠邊減低撞擊力，但有一場戲導演要阿譚用盡力推我向鐵欄，然後砰一聲！我感覺有點暈。連場激戰後，我手指手肘及全身四處都是瘀痕。”