劉青雲生日唔使老婆送禮

劉青雲日前拍攝《拆彈專家2》期間，適逢五十七歲生日，一眾演員與導演邱禮濤及幕後工作人員齊送驚喜，為青雲在片場慶祝牛一，劇組訂造一個別具心思的炸彈型蛋糕，逗得青雲笑不攏嘴。向來敬業樂業的青雲，已非首次在片場過生日，他說：“我哋呢一行，好多時都喺片場過生日，我成日都同人講，唔好話畀人知係我生日，不過今次就揚啲！最難忘試過生日喺殯儀館取景。”

愛妻號的青雲直言會叫太太不用送禮：“真係需要嘅嘢應該都有，未有嘅嘢都係冇咩需要，買咗放喺度唔用好浪費。”他解釋：“唔係唔鍾意，但唔需要破費，大家開開心心食飯咪得囉。”提到生日願望，他希望所有事順順利利，大家生活開開心心：“我相信得一個人開心嘅世界，唔會開心，所以我希望大家都開心，好好過日子。”