《姊妹淘》主持人拍賀年特輯

莊思敏親親牛牛

莊思敏、張寶兒、蔡嘉欣、陳詩欣日前齊齊拍攝賀年特輯。適逢牛年，眾人特地到郊外親親牛牛，大玩自拍；更互爆《姊妹淘》主持人的缺點，希望新一年有所改善。

莊思敏、張寶兒、蔡嘉欣及陳詩欣在娛樂新聞台主持人許文軒率領下，到鄉郊拍攝賀年特輯，眾人大玩水上單車。適逢牛年，四位美女更與農場中的牛牛大玩自拍，十分開心。其後各人都在社交網站曬出與牛牛的合照，莊思敏寫道：“情人節快樂！希望大家今年可以冧掂隻牛牛，等佢對你好啲，樣樣都順順利利。” 張寶兒就說：“牛牛等了十二年，終於等到了備受關注、特別多人探望的一年！牠多謝大家為牠傳遞祝福，也祝大家新年快樂、牛壯力健、百毒不侵！除了去新界探牠，也希望可以快點出外旅遊，不用隔離！最緊要和身邊人出入平安、和睦幸福！”

當日眾人亦在訪問中互爆《姊妹淘》眾主持人的缺點，蔡嘉欣直指張寶兒經常“玩消失”，她笑說：“傳短訊畀佢幾日後先覆！唔開心時又收收埋埋，唔話畀人知！”張寶兒亦表明不滿意自己這方面：“我唔係一個主動融入群體的人，好多時候佢哋搵我出來或者傳訊息畀我，我都會錯過咗聚會。今年我會多啲出來、會多啲睇佢哋嘅訊息，真係要好好珍惜佢哋！”

蔡嘉欣又篤爆陳詩欣講話時“好惡”：“唔好睇佢個樣公主咁款！佢對男友超惡，食住男友，希望佢今年可以溫柔啲！其實我都有被張寶兒話我講話太直接，又被莊思敏話我講話太快，所以新一年都要改善。”陳詩欣就笑說：“叫莊思敏唔好成日請我哋食嘢！”莊思敏亦不甘示弱，反擊說：“其實我好怕同佢拍檔，因為佢好瘦，我企喺佢隔離，個個都話我肥！張寶兒就成日補妝，依家好咗啲。不過就多咗個缺點，就係成日漏嘢，佢做節目之後會成日唔記得拎返走化妝品。”

談到“造人”大計，已成人妻的莊思敏和張寶兒不約而同地表示“唔心急”。莊思敏說：“因為疫情關係，與老公分隔兩地，冇見好耐，各自努力事業、打好基礎，希望見面時就可以把握時間一齊去旅行，Keep住拍拖嘅感覺。”

陳詩欣就表示結婚隨緣：“自從好朋友余香凝結婚後，真係多咗人問我。其實拍拖公開都係好事，話畀大家知我係有男友。因為之前真係好煩，實在有太多男仔追求我！哈哈！”情人節當晚，詩欣亦放出一段拆禮物的視頻放閃，並寫道：“超鍾意、超喜歡！祝大家情人節快樂#大量尖叫聲#陳生好嘢！”