兩生一旦正氣開年

《春風得意喜臨門》、《花開富貴丁財旺》、《和氣吉祥合家歡》……上世紀賀歲粵語片，最重意頭。今初四開年賀歲劇集《失憶24小時》，阿公阿婆，或啋到你暈，大吉利市。幸好，譚俊彦美言兜返：“講疫情期間大家唔記得嘅係衰嘢，記得嘅係好嘢。疫情下，友情、親情更放光芒。新年期間留在家中，相信一次半次沒有去跟長者拜年，他們都會明白。”譚俊彦表示，新年宅家表演廚藝，拿手包蛋餃，更想挑戰“獅子頭”，因為家人想食。郭晉安笑言，有機會開飲食節目，“他負責煮，我‘執碼’”。

藝人不壞，娛記束手？開年流流，兩位視帝級好男人，講的都是努力拍戲，“我對收視好有信心，信心來自拍攝時的努力。”郭晉安自認是勤奮“戲牛”——“我和譚俊彦戲裡鬥智鬥力，戲外我們同樣要鬥：鬥熟讀劇本，要好清楚劇本，基本不帶劇本入廠……一見面不打招呼，直接講對白。劇情節奏好明快，導演要求對我們好大壓力，劇本要融入血肉之中，做到現實與角色同一個人。”安仔識英雄重英雄，自信唔鬥戲唔熟絡。戲外，都變了師奶，互相八卦對方家事。“我好開心認識譚俊彦(Shaun)，因為我對佢Daddy（狄龍）好好奇。”Shaun稱，要學安仔做個好老公。新春不談春色，不談橫財，不談驚險；只談家事，只講拍戲。這兩個男人，娛圈與衆不同，亦新聞也。

兩生一旦的譚凱琪，言談舉止，亦標準賢妻良母——疫情期間開工，家中還有初生女兒，老公可有微言？“老公好尊重同支持我的決定，只係叮囑我小心，而劇中對手，主要都係做咗爸爸的譚俊彦、陳山聰，相信都是安全的。”

譚凱琪開工時候，“媽咪會幫手帶BB，老公收工回家也會幫手。我一返屋企，所有時間畀晒BB，佢食我奶長大，BB好需要我。”她說若然拍外景，知道有些雪奶袋，泵完奶而老公又得閒，便叫他幫手將人奶運返屋企，自己亦會隨身帶備消毒用品。

高 梁