阮兒甩拖狂食情人節大餐

昨日大年初三兼情人節，剛回復單身的TVB混血咪神阮兒(Chloe)，相約好友形象指導許嘉浩(Karl)在銅鑼灣過火辣情人節，共享情人節甜密大餐，為Karl的飲食頻道拍試食片。適逢牛年，Chloe應節攞起脆脆“牛”脷酥點情人節甜蜜朱古力火鍋醬，貼心地餵給Karl先食。她自己就甜絲絲地試心形棉花糖伴朱古力醬。失戀食甜蜜情人節大餐，會唔會觸景傷情？Chloe話：“完全唔會，做人要Move On! 新一年正好重拾自我，送舊迎新。新一年New Start自己都為自己定咗好多Plans。”

常去歐洲及外國闖盪的Chloe表示，好掛住之前去瑞士食過嘅朱古力火鍋。疫情下好耐無得飛，估唔到喺香港都有得食呢個瑞士朱古力火鍋。Karl就表示情人節其實唔一定要同情人過，同閨密或屋企人過都一樣好Sweet。佢知道Chloe剛回復單身，大時大節食好嘢都叫埋Chloe，等佢都感受到Sweet嘅氣氛。