高危戲親上陣冇特效

青雲華仔憶生死一線間

相隔十八年，劉德華與劉青雲兩位影帝再合作電影《拆彈專家2》，依然默契十足。日前二人接受傳媒專訪，華仔笑說：“可能是同姓三分親嘅原因，大家合作時好似有連繫咁。”訪問中，兩人分享了過往拍攝高風險動作場面的經歷，表現出演員專業敬業的作風。

兩人一起接受香港開電視主播植詠珊訪問，談及該片有不少爆破鏡頭，兩人都大讚劇組安全至上，試了多次才會上陣。青雲說：“以前真係好多時未試清楚就拍咗先算，現在就會試得好清楚，可以爆一次畀你睇，呢點好重要，拍之前你大槪知道係點，我記得之前拍救火場面，係用真火去燒，先點着明火，跟住用石油氣去谷啲火出來，我哋係完全無用電腦效果，真係好難忘。”

華仔亦記得拍杜琪峰《全職殺手》時，有個鏡頭在地鐵拍攝，是他立即閃開的畫面，“大家都以為係特效，其實全程在地鐵內拍攝的，嗰時有個角位畀我企，架車就喺我面前經過，萬一有啲嘢飛出來就搞掂……”他謂當時導演安排了一支打光燈包着層白色的物料，然後試了數次，看地鐵駛過時會否有東西飛出來，直至到他親身上陣，他忍不住叫了出來，導演就對他說：“你係殺手，可唔可以唔驚呀？”他要強忍自己的恐懼才完成此鏡頭。

而拍攝《拆彈專家2》時，兩人要被吊到八層樓的高空拍攝車內鏡頭，華仔說：“我梗係驚啦，我都係人呀，都有畏高嘅。除咗拍戲之外，我係唔會參與任何危險活動。”青雲亦同意作為演員，這個心態很正常。

兩人曾合作過搞笑賀歲片，亦成為新春必備的節目，華仔和青雲都希望再拍喜劇，希望可以是傳達一些訊息，有內涵的喜劇。