夏蕙姨剖白堅持上頭炷香

ViuTV節目《晚吹——總有一瓣喺左近》，每集邀請嘉賓就不同主題分享靈異經歷。今晚大年初一播出的一集，節目撇開各種鬼神學說，邀請了每年都以特別造型現身黃大仙祠上頭炷香的黃夏蕙擔任嘉賓，分享各種農曆新年的傳統習俗。

夏蕙姨表示，以前每年年三十晚都會相約鄧碧雲、鳳凰女及司徒關佩英到黃大仙祠上頭炷香，直至某年司徒關佩英因家中有要事不能出席，翌年更不幸離世，從此打破了四人的約定。之後鄧碧雲、鳳凰女亦因各種原因而缺席上頭炷香活動。事隔多年，好友們都相繼“升仙”，只剩黃夏蕙一人每年仍然維持習慣：“而家得返我一個，其實我都好驚，我每年都同黃大仙講，叫佢畀我長命啲，等我可以繼續代佢哋（好友們）拜，同埋為社會做多啲事，做到佢唔畀我做嗰時，我先唔做囉！”