開直播推介檳城

黑仔夫妻檔拍住上

姜皓文（黑仔）和老婆殷寧最近獲馬來西亞檳城旅遊局邀請，拍攝直播節目，分享當地的旅遊、美食和文化。黑仔更透露他們有計劃寫一本關於檳城的旅遊書，之前他們到檳城時，殷寧已在網上搜集了不少資料。

早前，黑仔與老婆在馬來西亞檳城置業，購買了一個五千呎的豪宅。最近，他們更獲檳城旅遊局邀請拍攝直播節目，分享檳城的美食和文化。難怪他笑言自己與檳城有緣。

黑仔表示：“我同老婆都好鍾意檳城，希望藉住呢個節目，令更多人認識檳城。我哋都有計劃寫一本介紹檳城的旅遊書，向旅遊界發展。”在這個直播節目中，黑仔與老婆不時打情罵俏，十分恩愛，而殷寧亦即場考老公的記憶力。談到記憶力，黑仔自認不及老婆叻，“佢嘅記憶力真有過人之處，唔單止記得邊度有好嘢食，連價錢也記得一清二楚，所以我哋都有意出書介紹檳城的景點、美食、文化及風土人情。之前我哋去檳城時，老婆都搜集咗好多資料，到時出書可以作為參考。”

黑仔兩公婆亦分享在檳城著名景點“姊弟壁畫街”打卡影相的小貼士，黑仔表示：“喺壁畫街影相，因為日間好多人排隊而且又多車，最好都係夜晚先去影，到時又冇咁熱，可以任擺甫士影過夠本啦。”殷寧亦說：“係呀，如果冇去過壁畫街影相打卡，都唔算去過檳城啦。”

直播節目的尾聲，黑仔笑言：“現在大家都未能安心出埠旅行，咁就先睇吓我哋呢個節目，了解一下檳城，望梅止渴。”