昨晚賽事總投注三百三十八萬

馮耀正何華麟起孖

昨晚沙地賽順利完成。五場賽事總投注三百三十八萬三千元。

頭場開始即爆冷。高君濤騎浩廄“槍法超群”，以較佳留放後上挫敵。此駒上季由高君濤贏完，再無頭馬見面。馬匹連敗多場求減分，今次降至六班有心出擊。復配騎者發揮不同凡響，一條直路殺上撼低對手，替馬房添進帳。是場何華麟“威瀚勇士”半冷門闖入連贏，派彩逾四百，買中者好分。高君濤、梁國浩攜手先拔頭籌。

第二場何華麟贏馬。此子頭場騎“威瀚勇士”屈居高君濤腳下，飲恨第二。是場騎馮廄“滿貫藍寶”直路如飛殺上，挫敗同組對手勝回一仗。“滿貫藍寶”跑沙地最佳出路，上次草地無功而回。今次復爭贏馬途程，何華麟睇定來食。三倍獨贏算不俗，騎、練齊添頭馬。

第三場高班馬逐鹿優勝劣敗。貴廄鎮倉寶“金槍霸”由老搭檔余健雄押陣，以快放本錢力壓老對手“家裏有礦”，替馬匹取第九捷。“金槍霸”沙地性能卓越，走勢前後兼具。今次唞夠出擊再勝一場，並替馬房打破近期無頭馬贏悶局。

第四場熱倒冷爆。馮廄兩駒列陣，“方圓萬里”由余健雄掛帥，捧成熱門四甲不入。反而同廄“好運先生”未贏過短途，賠率冷至三十四倍卻黃袍加身，爆個不亦樂乎。此駒一向跑慣中長途，今次用鮑羅素轉戰一○五○米受冷落。馬匹出閘包尾，直路卻如飛將軍從天而降，殺至對手一頸血。馮廄起孖，騎者居功。

尾場何華麟食尾餬兼起孖。此子騎史偉恩廄“電子雄風”，出閘快放直帶到尾，爆逾八倍半冷。此駒初出即勝，跑來有前有後，沙地好腳法且有速度。季内將成馬房重要取分棋子。