方圓萬里形勢佔優

澳馬今晚上演五場沙地賽，頭場七點○五分開始。騎師恩利克停賽林凱缺陣，安萬堯續養傷。陳卓鋒復出聯同原班人馬上陣。綜觀大局，挨年近晚搵食人馬渾水摸魚，料賽果會偏向冷路，投注要步步為營，小心選擇。

筆者心水推介，第四場三班一○五○米，馮耀正廄“方圓萬里”可做馬膽。此駒上次草地千二米無功而回，拼後小休重上征途。今次原配余健雄操刀人馬夾檔，復跑開齋路有績支持，不妨優先考慮。

“方圓萬里”台型不俗，質新馬實力未見底，季內跑沙地一出即勝，反映場地特佳。上次草地千二米表現差勁，或許場地不合發揮。拼後復課積極操磨，周內由余健雄親自摸過，騎者連課不放手，對此駒夠重視。今於四班掛頭牌角逐沙地，所遇對手不外如是，形勢佔優。余健雄季內騎馮廄馬交得準繩，今晚埋年前沙地最後一戰，冀可食個尾餬。