拒與陳豪拍親熱戲

宣萱再演御用人質

陳豪、宣萱、滕麗名、洪永城、鄧佩儀及鄭俊弘等昨日出席劇集宣傳活動，眾人分組大玩蓮步舞遊戲，陳豪輕鬆拗腰過關，洪永城孭起鄧佩儀時反而表現得有點吃力。

宣萱今次在劇中繼續做“御用人質”，她笑言估計最少有近三十次“被綁架”經驗。會否申請健力士紀錄大全？她笑說：“再過多廿年，等我做夠五十次先啦，做人質都幾開心呀！”她指拍攝時正值疫情高峰期，所以盡量避開激情場面，到桑拿浴室的拍攝也押後，以策安全。

她在劇中與陳豪的戲份非常搞笑，問到兩人可有感情戲？宣萱說：“最多只係攬，冇激烈場面。疫情關係，大家都好驚，所以親熱戲盡量避開。有部分場景的衛生設施比較差，拍攝時都盡量避免或押後先拍。”

陳豪透露初入TVB時曾在《陀槍師姐3》演賊人，他笑指當年要應付大量飛車場面，慶幸時隔多年，終於升呢做警察。最近搬了新居的陳豪，避談是否疫巿勁賺千萬元搬大屋，笑指只是搬到隔離座。他更趁機大讚老婆陳茵媺(Aimee)是“全能媽媽”，不但全力照顧三個小朋友，連搬屋也一手包辦：“太太搞掂晒，佢真係好叻，除咗湊小朋友，亦打理好間屋，其實湊三個小朋友都癲啦。”

問到搬大屋是否有意再生多個？陳豪笑說：“都夠喇，見好就收，有意外再算，不要封我後路！”宣萱聞言亦大讚陳豪兩公婆有耐性湊小朋友：“我較喜歡單身及自由，現在照顧家中的四狗三貓已忙個不停。但總比湊小朋友簡單得多，起碼不用擔心教育。”

洪永城孭起鄧佩儀時面紅耳赤，他笑指對方外表好瘦，但是骨重，加上自己年紀不輕，又少吃補腰藥，故此有點吃力。問到平日可有孭女友？他自爆平時都是女友梁諾妍孭佢：“皆因佢係運動健將，有時間就會捉我去跑步，又教我做好多運動，我打算年底跟女友一起跑半程馬拉松。”女友覺得他體能方面如何？他笑說：“佢話唔錯，有待進步！”

梁諾妍今日正日生日，洪永城透露已預留一整日陪女友，又搞笑說：“連荷里活大片搵我試鏡都唔去，全日都屬於佢。禮物已買咗、安排好活動。（會送戒指？）唔係，總之好貼身又貼心。”