昨日賽事總投逾四百廿六萬

劉永康謝偉豪攜手起孖

昨天草沙混合賽事完結。是仗在陽光普照下角逐，六場總投注四百二十六萬九千元。

甫開場即爆大冷。浩廄“加洲之寶”交任布利操刀，出閘快放守好位，入直路發力一攻而破，挫敗同場冷馬“江河精彩”，爆出二十一倍冷W。“加洲之寶”近期上陣寓賽於操，馬匹連敗減分，今次六班混戰吼準形勢出擊。騎者出閘搶放，由頭搏到尾替馬匹勝回一仗。是場連贏派近三千二，三重彩“聯安興城”闖入腳，派彩逾二萬七，中者和味。浩廄守齋多時破悶局，任布利應記一功。

第二場熱頭大冷腳。何華麟騎陳俊輝廄“火星代表”以快打慢，出閘守住第二位，全程小心翼翼，入直路發力超越冷馬“美麗人生”，悉先衝線。此駒季內由何華麟開齋，近期易配其他騎者未能再贏。今次人馬重逢駕輕就熟，以大熱姿態取勝。陳俊輝喜添一W，騎者功不可沒。

第三場爆開又爆。張志立騎劉志森廄“鳳煌之星”埋門後上，要同艾比策騎錢廄大冷馬“錢寶通”影相分高下。結果電眼判決“鳳煌之星”贏個鼻，險勝對手。是場兩駒構成連蠃派彩逾千元。“鳳煌之星”向以後勁稱著，直路衝刺煞食。今次跑千八米長途用張志立，負磅稍減收到好效果。劉志森喜添一W，騎者亦居功。

第四場張志立起孖。此子贏完“鳯煌之星”乘勝追擊，騎錢廄“聯誠歡聲”出閘以快打慢，一口氣直放到尾。此駒上次爆完匆匆再戰，今次原裝配搭出爭，騎者照辦煮碗，出閘快放再下一城。人馬打疊取兩W，收穫不俗。

第五場劉永康贏馬。此子騎豪廄“西門吹雪”，以談笑用兵姿態取勝。上次此雙人馬落敗，輸在排外檔沿途跑蝕位。今次原裝配搭重來，排在六檔起步跟出夠快，全程二疊愈跑愈有，入直路彈甩對手直奔終點，人馬收復上仗失地。豪廄添一W，騎練合作愉快。

尾場劉永康、謝偉豪攜手起孖。騎者蠃完“西門吹雪”再接再厲，接掌轉倉馬“紅日金駒”出戰。埋門以些微優勢挫敗張志立主轡的“江河神獸”，並打破此子三元美夢，爆出十倍冷W。騎練起孖食尾餬埋齋。