火星代表重開勝門

今日六場草、沙地賽事，賽前來料推介二場“火星代表”及六場“江河神獸”一對勇馬，啱心水不妨捧場。

“火星代表”短途實力有根據。今日匆匆再來，重配贏馬拍檔何華麟擺明車馬，排檔理想可望重開勝利門，值得捧場。“永和”前仗在同程入位，今仗人馬重逢夠合拍，匆匆再戰鬥志唔使懷疑，單Q不妨揀佢。

“江河神獸”上仗初出輕勝，今日增程角逐更合發揮。張志立執韁人馬合拍，順利放出可望再下一城。“臻摰誠”季內兩戰沙地不算太差，今戰初跑中距離更合發揮。改由中野省吾策騎鬥志十足，單Q一於預佢。