興測贏馬破悶局

今日六場草沙混戰，各場形勢緊湊，重心不易尋，料又係爆冷居多，投注小心推敲。今季外籍倉口成績平平，現除摩利高及史偉恩位居中游，李森及賀蘭杜夫均排名下游，差強人意。前者今仗無馬參戰，後者八駒列陣，兵分多路出擊。

賀廄今季頭幾個月贏馬不多，出賽馬旨在減分，待回氣後始出擊。此廄一月份頭馬交白卷，守齋月餘。賀廄一向謀定而動，戰駒試準始“郁手”。今日大軍壓境，練者要贏馬破悶局，臨場可吼緊。

第一場：六班千二米。“興測”季內屢拼不逞，至多跑入二三名，練者已極欲替牠贏馬。上仗敗後重新打磨，今次做足功夫再來搏殺。此駒質素有限，勝在年輕力壯未用盡。今次回配高君濤操刀，遇同組對手弱旅居多，形勢有利，憑騎者駕輕就熟，可贏馬破悶局。

第二場：四班千二米。“至尊者”上仗何華麟跑來進退失據，馬匹全程望空蝕位致敗。拼後小休重上征途，續戰千二米似嫌短，但易配中野省吾戰鬥力不弱，應不同估計。此駒狀態長期見好，憑騎者陣上堅強鬥志，可以勝回一仗。

第三場：三四班千八米。“莫特上校”中距離好手，跑長途氣量夠。此駒善戰草地，跟得鬥得，直路衝刺強勁。上次跑梗頸四，拼後唞過又來。今次原配黎昌全人馬夾檔，轉戰長途更有利。遇同組對手多有缺點，拼盡可見真章。