岑珈其上妝後唔敢照鏡

臨近賀歲片檔期，導演劉翁以黑色幽默鬼片打頭炮，為新春電影做宣傳。劉翁表示賀歲檔無懼上映鬼片，全因電影笑料十足，加上眾好友力撐，相信觀眾睇得過癮。他說：“呢部戲可以話係笑片，演員有葛民輝、鄒凱光、阿Bob等等，佢哋一出場就充滿喜感。其實香港以前好多呢類型電影，好似《猛鬼差館》、《猛鬼學堂》之類，好睇、好驚又好笑，不過近年少咗好多。”

劇組邀請荷里活級數的特技化妝師為戲中飾演女鬼的楊柳青上妝，每次都需要數小時準備。她說：“其實我不停嚇到工作人員，有時在片場角落休息時，就會聽到粗口，原來佢哋突然見到我，嚇一跳，要爆粗壓驚！我就知道呢個妝好成功，觀眾會睇得好過癮。”

岑珈其就話上妝後唔敢照鏡，怕被造型嚇親：“好在冇咩古靈精怪發生！上妝之後我會好唔方便，大家都會照顧我，餵我飲水、食嘢。其實呢個角色係悲劇人物，對我來講係一個挑戰，加上第一次試特技化妝，所以拍得好興奮。”