陳欣妍想克服畏高

陳欣妍(Shirley) 近日與“雲姨”雲浩影一齊獲邀為運動品牌拍攝廣告，兩人以孖妹造型一黑一白冷豔示人，每個鏡頭都非常認真聽導演解釋。Shirley透露先前收看《造星3》時已經有留意雲姨：“當時她已經是我的大熱心水，估唔到現在就可以一齊合作。”

早前在《美女郊遊遊》節目中，因為拍峽谷飛索環節，Shirley被嚇得眼淚鼻涕直流，畏高性格表露無遺。拍攝當日，Shirley與雲姨齊齊坐到閣樓邊緣、雙腳凌空拍攝宣傳片，她同樣因畏高，不期然流露出驚恐表情，更一直捉實工作人員手臂直至坐好。Shirley說：“新一年想克服畏高，因為我發現我愈畏高，就愈需要去好高的地方工作。今日已經比以前進步，起碼腳震得無咁明顯！”

Shirley好感恩疫情下有工開，拍攝前一晚努力做Gym外，當日以香蕉做午餐，埋位時更不時操小腿，務求最佳狀態示人。她說：“平日做Gym都會着重Leg Day訓練日，我唔太鍾意小腿太直，鍾意小腿同大腿都有線條、帶少少肌肉，所以平日會特登操練谷一谷。”