黎國輝向陳自瑤道歉

黎國輝（阿感）與陳嘉桓(Rose) 前日為某時裝品牌做直播宣傳。阿感坦言受疫情影響，與台灣的太太分隔已一年之久，每晚只能視像通話以解相思之苦。他說：“其實我哋曾計劃生BB，但疫情下冇得見面，唯有再延期一年啦。佢有諗過雪卵，睇睇幾時解封，見面後再計劃啦！依家晚晚都傾電話，佢都知香港發生咩事、有咩新消息，有新聞我亦第一時間向佢報告。”

提到他早前公開談及陳自瑤在台慶頒獎禮上黑面一事，阿感坦言正在想方法聯絡對方：“因為佢電話應該改咗，我覺得禮貌上都要同佢講聲對唔住，所以託人搵佢電話。我有在節目中公開道歉，亦有睇網民留言；佢哋覺得我係消費前度，雖然我立心唔係咁做，但觀眾有呢個感覺，我也要向對方道歉。”阿感又話與對方碰面不會感到尷尬：“我之前做娛樂新聞主播都成日見到佢，連佢婚禮都係我採訪的，同王浩信又係波友，所以見面唔會尷尬。”

陳嘉桓在直播時一直購物，笑言次次做直播都“入不敷支”：“我每次直播都幫全家人買嘢，婆婆、媽咪、細佬人人有份，到埋單時就肉赤！（會唔會幫男朋友買衫？）我一定唔會，因為每個人品味都唔同，若對方唔鍾意仲傷。”