新居留位擺獎座

龔嘉欣明言會更搏

龔嘉欣、張振朗、丁子朗、劉佩玥、謝東閔等昨日亮相劇集宣傳活動，大玩懷舊樂園遊戲，還挑戰夾娃娃。劇集踏入結局周，眾人對最後一次宣傳都感到不捨。

劇集踏入結局周，振朗與嘉欣對於劇集口碑好都大感開心。振朗透露稍後會有場戲係脫剩孖煙囪，他笑說：“三年前拍呢套劇首次做男主角，之後每齣劇都要除，係咪要除才可以做男主角？”嘉欣指該場戲監製放手讓他們發揮，振朗更會現“大髀唇印”。嘉欣笑說：“拍的時候大家都想，到底是誰去印那個唇印？本來打算叫工作人員去印，可是沒有人願意，結果都是我去印。振朗就說快點啦！我說我也想快點，可是很尷尬。”問到是誰想出來？嘉欣指是振朗，振朗卻立即否認，笑說：“三上悠亞同大髀唇印都唔關我事，係劇本咁寫，如果我有畀錢編劇，就唔會成日冇褲着。”

兩人日前在台慶頒獎禮上齊齊捧獎，嘉欣表示當晚契媽煮了羊腩煲等她回家慶祝，稍後她也會與好姊妹陳凱琳慶祝。她又透露新居已預留位置擺放獎座：“當年的女配角獎放第三層，今年拎的獎放第二層，最高位置暫時空置，希望畀自己一個目標。”被問如果再放不下，要不要換大一點的單位？嘉欣就說：“現在一個人住剛剛好，我也希望努力點工作，然後快點付完現在的房貸，然後真的希望買大一點，可以跟家人一起住。（搵人一起供？）如果我真的找到一個跟我目標一樣的，他也不介意的話，我覺得可以啊！兩個人一起去努力，然後互相支持。”

嘉欣與羅天宇合唱劇集《香港愛情故事》的插曲《逆流直上》，在年度勁歌金曲頒獎禮獲最佳合唱歌曲獎金獎，嘉欣坦言希望之後有機會唱自己主演的劇集歌曲，可惜今次《堅》劇主題畀曲交了給振朗主唱，振朗卻自嘲說：“我唱完之後兩年都冇歌唱啦，呢首係絕唱！”

同場的劉佩玥玩遊戲時頻頻發出尖叫聲，令到身旁的龔嘉欣也被她嘈到忍不住嗌“耳聾”。被問有否被投訴好嘈？佩玥笑稱自己是開心果，可以影響到身邊人，若安靜下來，大家就會反過來關心她是否有心事。

劉佩玥在社交平台發文“講咁多大話仲要不停讚自己，你好唔好意思”疑似被人呃，昨日她指大家諗得太多，強調自己完全冇唔開心。她說：“事件不是發生在我身上，亦並非一件大事，只是我的標準跟其他人不同，睇唔過眼，那一刻義憤難平。”她又謂想唔到發文會受到關注，亦有不少朋友關心她是否被人呃，她笑稱自己並唔蠢：“我大個女啦，識帶眼識人，我唔蠢，好叻嘅，大家放心。”