胡鴻鈞承諾約思貝慶功

胡鴻鈞首次捧“最受歡迎男歌手獎”便要同人瓜分，但他表示好開心：“事前沒想過有獎攞，覺得係很大認同，也多了一份責任去推動自己更努力去做好音樂。”

胡鴻鈞當晚共奪得五個獎，成為男歌手大贏家。對此他謙稱：“能夠出席坐在頒獎禮上都是大贏家，特別在這段艱難時間仍堅持出作品，值得給予掌聲。我同其他歌手一樣有努力，值得一些嘉許，在公司已經十年，多謝公司！（會加簽長約嗎？）冇傾過，我們講心不講錢。”

談及他與緋聞女友蔡思貝分別稱王封后，胡鴻鈞說：“搵日慶祝，到時再通知大家，希望有時間，因為我日內就要入劇組開戲。佢得獎當晚，我有在佢身邊講加油，亦有傳短訊講恭喜。（有否請教演戲心得？）會互相分享專長，佢唱歌都有天份，但我叫佢唔好再唱，免得我飯碗被搶。”

有傳思貝被有米老闆力追？他表示有留意報道，更力撐對方說：“這個圈人紅是非多，佢剛攞完大獎，一定有好多新聞。不過佢工作同生活上都好獨立，身邊人關心佢多過佢關心自己。（呢個人係你？）佢有好多朋友。”問他兩人關係如何？胡鴻鈞形容是“好朋友”，但說到思貝把關係降呢為“朋友”，他笑說：“係咩？我返去檢討吓先，我就視身邊每位朋友都是好朋友。（思貝有否再借你姐姐座駕？）我唔係太清楚，最近好似冇，但唔係好耐的事，其實佢覺得唔好意思。（相信思貝有新戀情？）我關心自己有冇新戀情多啲，有的話會同大家分享。（你依家單身？）不是工作的事唔回應喇！”