周柏豪唔覺獎項被分薄

本年度勁歌金曲頒獎禮各獎項塵埃落定，今年的最受歡迎男歌手獎項破天荒首創“雙胞胎”，由無線愛將周柏豪和胡鴻鈞齊齊瓜分，造成雙贏局面。

對於男歌手獎有分薄之嫌，柏豪並不苟同：“大家得獎當然開心！我們私下是老友，會一齊打波食飯，見到朋友一日一日進步很開心。而且我上年較多時間專心照顧家庭，只推出過一首作品，能拿到這個獎已經好開心，會繼續做好自己。（獎項要同人瓜分喎？）唔好咁講，公司覺得我們都值得嘉許，無人講過只可以得一個，我唔覺被分薄。（視對方為勁敵？）今時今日仲覺得別人是勁敵係好落後的想法，做好自己先，唔好同人鬥。”

柏豪指今年會否推出多些作品要視乎情況而定：“很多事情不是以錢衡量，會繼續努力工作，賺取奶粉錢是此其一。很享受湊女樂趣，看着女兒由唔識行到識行，過程很好玩。”