苑瓊丹扮龜婆賣餸包

苑瓊丹日前為自家熟食餸包品牌拍攝新一輯宣傳片，苑仔以“龜婆”造型上陣，推介雞煲及火鍋食品。

苑瓊丹指受到疫情影響，原先電影工作亦被迫取消：“本來有部戲叫我去橫店拍攝，都預咗要隔離十四日；後來得知收緊政策，要隔離多十四天。如果搞掂晒，劇組都差不多煞科，日子又近過年，唯有忍痛推卻，專心留在香港搞生意。”她直言熟餸包只是生意版圖的第一步，有計劃涉獵凍肉生意：“一來凍肉損耗冇咁大，二來我成日去買凍肉，益人不如益自己！做食品生意，我有啲信心，因為我都鍾意買餸，冇咁易被人呃。”

新春在即，苑仔婉拒拜年邀請，揚言會“勒住個荷包”拒派利市：“新春都係留屋企啦，為咗保持社交距離，唔好搵我拜年啊，我唔會派利市口架！但係如果冇餸煮團年飯，打畀我啦，我搵啲熟餸包畀你過年！”