濠江寶值得捧場

今日六場草、沙地賽事，賽前來料推介頭場“榮華煌昌”及二場“濠江寶”一對高君濤嘅座騎，啱心水不妨捧場。

“榮華煌昌”連場熱身評分已減。今角逐中距離合腳法，配高君濤擺明車馬，對手實力非強，可望贏馬交代。“至尊者”今換何華麟留放更具分寸，返首本路程單Q一於揀佢。

“濠江寶”今季三戰得一亞兩季。今日重返中距離腳法正宗，高君濤不放手一定有理由，可望贏馬打破悶局，值得捧場。“壓鑄合金”上仗追入一席第三，狀態勇銳。今日排檔理想有助跑法，余健雄執韁夠合拍，可望爭入前列，單Q不妨預佢。