薛家燕出賀年禮盒送利市

前日家燕姐再次主持《天天開運王》，提到賀年曲奇，她說：“今年新年‘家燕媽媽’會推出一個好靚嘅禮盒裝曲奇，係八角形，好似全盒咁，寓意‘齊齊全全、萬事順利’。裡面仲有六款唔同種類嘅曲奇，有迷你蝴蝶酥、牛油曲奇、朱古力曲奇、咖啡曲奇、黑白芝麻曲奇同杏仁條，包大家食得開開心心。而且八角全盒裝嘅曲奇，大家食完啲曲奇可以當全盒用，仲有家燕媽媽將會喺曲奇入面畀封利市畀大家，呢封利市好正，因為有我做財神爺嘅利市封，出面買唔到！”

禮盒設計方面，家燕姐與拍檔Francis及女兒都畀了不少意見，禮盒以家燕姐最喜歡嘅紅色加燙金，再印有家燕姐Q版樣。家燕姐話：“仲可以重用又環保，希望大家會鍾意個禮盒。當然我啲曲奇係最好食嘅，大家一齊嚟嘗試同攞我封幸運利市。”她預計送出過千封利市，總值五萬元，希望大家多買多送。