史偉恩器重何華麟

何華麟踏入新年有個好開始。此子於一月分賽事摘取五場頭馬，排名升至次席，現差高君濤三場頭馬，成績貼近對手。上仗“追鷹”再下一城，除替恩廄增添進帳，並打破此駒贏完無“冧莊”宿命。馬匹跑來續有進步，質新分子前景光明，練者訓練此駒亦下過一番心機。史偉恩上季開倉已站穩陣腳，廄內一匹“耀昌之星”替練者省招牌。此駒上季共取四冠六亞，還未脫過連贏，交得準繩。今季由何華麟主轡亦贏兩場頭馬，惟上次大熱門不入三甲，捧場客始料不及。跑馬無永遠王者，縱是馬王亦有落敗一日。“耀昌之星”連季贏得多評分高企，上次沙地跑輸唔奇，下次回師草地或會重現生氣。今季史偉恩同何華麟合作次數不多，但勝出率頗高，個別馬匹不勝亦有位。上仗“世界精品”交騎者搏殺，惜被大勇“國金之星”挫敗，屈居第二，但人馬算交出水準。上季史偉恩倚重恩利克出擊，惟此子喜打海鮮波，表現時好時劣，不少馬跑來似是而非，輸得唔清楚。練者亦騎師出身，馬匹點跑點輸，心裏自知。今季同恩利克減少合作，反而器重何華麟搏殺，戰駒出擊多由此子操刀，取其交到功課。

本周只跑周六一次賽事，六場草沙混合賽昨天排位。今次史偉恩續有馬交何華麟搏殺，第二場四五班千五米“伯樂汪洋”要借助何華麟爭功。此駒上季尾開齋一役，跑同程快放贏至對手食塵，馬匹表現實力超群。“伯樂汪洋”季內連仗無建樹評分稍減，此番易配圖強，用何華麟擺明要贏馬。今於四五班混戰對手弱旅居多，前速快馬抽到一檔好位，形勢有利。騎者近期手風正順，可替馬匹勝回一仗。