周家怡讚軒仔係暖男

張敬軒推出新碟，第一首主打是全新廣東歌《俏郎君》，新歌MV不惜工本以電影模式製作，找來周家怡及黃德斌擔任男女主角，拍出一段是否經歷過生死、便可終身到老的愛情。雖然軒仔未有於MV出現，但拍攝MV的兩日，他全程親自監督每一場戲，事事親力親為。

家怡跟德斌在MV中有一場激烈床戲，家怡半裸上陣，露出白滑玉背，連她自己都覺得好激：“唔係熒幕初吻，亦唔係第一次拍床戲，不過就係第一次拍激烈床戲，經剪修的效果睇落都唔算好激烈，但拍攝當日都幾激。”問到難忘場面，德斌稱：“睇到呢個MV有咁大預算去製作已好難忘，又火燒又翻車，依家香港都冇乜MV有咁大製作、咁多資源去拍，睇得出係好有心的作品。”

首次跟軒仔合作，家怡大讚對方是貼心暖男：“雖然軒仔冇參與MV演出，但拍攝的兩日佢都有到場，開咗好多次會。佢對角色的心路歷程好了解，提出一啲好有用的意見，令到成件事更豐富。又好照顧大家的飲食，擔心我們受寒，表現無微不至，所以好開心認識佢兼一齊合作。”