夏雨爭勝高唱入雲

澳馬戰火續燃，今午上演六場草地馬，在全闊跑道角逐，頭場兩點正開跑。綜觀大局，各場出馬仍不多，但形勢複雜，尤其中下班馬混戰局面，更覺暗湧重重，提防賽果熱倒冷爆。騎師安萬堯停賽養傷，蔡義武復出聯同原班人馬上陣。

筆者心水推介，第三場二班千二米，馮耀正廄“夏雨”可做此場馬膽。此駒上仗同程高君濤操刀得第二雖未竟全功，但人馬表現夾檔。拼後原裝配搭再戰同程，幕後擺明要再搏，路合檔宜，可竟全功。

“夏雨”早熟馬來澳服役迄取一勝十二位，演出準繩且上名率高。此駒前速夠快，沙草俱佳，論馬狀態長期喼得好。拼後重新打磨，作戰水準有增無減，今番續跑千二米夠煞食。遇同組對手無多，形勢依然有利，高君濤人強馬壯，爭勝聲高唱入雲。