先施永安有故講

一百廿一年前今日，香港首現大型百貨公司，此先施也。

中山人馬應彪，十七歲浪跡澳洲菜園打工，後營蔬果店有成，斥資在港設立百貨公司。“先施”者，乃“先施以誠”，出自四書《中庸》篇“

經營之道，必先以誠施於人，而取信於人”。

開店伊始，一鳴驚人，係首家設有電梯百貨公司。至威仲係馬公自家老婆粉墨登場，企堂售貨。此為全港首位女“壽司”，開業內先河。亦因規模最大，屢創銷售紀錄，並先後落腳上海、廣州、台灣，更設廠為自家品牌供貨。其時與永安、中華、大新合稱“四大公司”，上世紀叱咤一時。

先施雖早着先鞭，卻不敵永安後來居上。為資金回籠減輕負債，先施賣晒旗下物業；然永安卻反其道，揸住磚頭唔放。土地物業有價，永安得享安逸；租金日漲，先施慘過擔枷。

西門公子