耀昌之心重溫贏馬夢

上次新年首戰鄒廄喜中孖寶，令廄中上下軍心大振，馬房現排名上升。今晚賽事鄒廄偃旗息鼓無馬參戰。大倉口錢健明廄上仗頭馬欠奉，今晚精兵出擊擺明搏殺，值得重視。

錢廄現時排名榜首，但領先優勢不大，隨時會被對手扒頭。今仗六駒上陣，計馬實力頗具瞄頭。料馬房今仗唔會放軟手腳，倘全力拼搏有力贏馬，捧場客臨場可吼。

第一場：五六班一○五○米。“黑色魅力”上仗沙地一三五○米出閘快放，惜埋門力弱只得第五，但前三段走勢有瞄頭，初出馬表現未算太差。敗後縮程續戰，幕後決心要替馬匹開齋。今仗易配何華麟操刀，此子挾上仗三元氣勢出擊，倘發揮得宜有力敲開勝門。

第二場：四班一五一○米。“耀昌之心”季內跑沙地千六米開齋，該仗贏至對手無力招架，反映馬匹實力不弱。上次草地敗後重新打磨，今次回師沙戰應合腳法。馬匹質新未盡，竄勁夠強。續由張志立主轡人馬夾檔，冀可重溫贏馬美夢。

第五場：四五班一三五○米。“一齊開心”饒有速度，上仗草地千二米力拚無功，但敗未脫節。此駒質新未盡，來澳跑過多次已逐漸適應此間水土。今仗易地增程再來，強配何華麟操刀人馬夾檔，憑質新當起，可爭取出頭。