江山之驕強項出擊

昨主課期晨操如常，華洋騎師朝早試馬忙碌。收操後尚有三組試閘，各廄為備戰本周兩日賽事落力練兵。新年一月份首戰，榜首錢健明、張兆煊及馮耀正廄頭馬欠奉，反而中小型馬房展現攻勢。除鄒欽華起孖，史偉恩、譚文就、蔡鎮威及李家輝各勝一場。史偉恩上仗憑“追鷹”爆冷，新年首戰打響頭炮，鞍上人何華麟跑法值得讚。此駒出閘快步跟順，早段擺在前置緊韁而馳，待至入直路才全力衝刺，埋門輕取“好友勁”個幾馬位，贏來從容不迫，人馬表現醒神。“追鷹”上季沙地兩捷，今季首戰草地千二米即勝，反映場地性能廣泛，史偉恩訓練得宜亦堪讚。但“追鷹”是匹隔沙馬，看賽績無連捷，贏完下次不宜追捧。上季史偉恩贏馬紀錄，除“耀昌之星”及“志仔鮮生”連續打疊贏外，其餘頭馬贏後無“冧庄”，捧場客不妨留意。

本周復跑兩日賽事，周五悉先上演沙地夜馬。史偉恩旗下“江山之驕”報跑四五班一三五○米，聞幕後交此駒予鮑羅素操刀。論配搭夠新鮮，值得優先考慮。“江山之驕”季初由安萬堯跑同程後上爆冷，該仗直路走勢強勁，贏來惹人憧憬。拼後增程再戰，表現走晒樣，落敗或許途程不理想。拼後休息重新操磨，今次出爭一三五○米強項出擊。三歲馬實力未用盡，今季成熟長進居五班應有可為。起用鮑羅素操刀，人馬嶄新配搭，有權一網打盡。