過年買車昔日事

時代轉變非此時

疫情全球大爆發

睇餸食飯早籌劃

昔日窮社會，習俗不可少，過新年，買新衫，逆境闖年關；八九十年代，社會漸脫貧，年輕人過年，買新衫新鞋，加多一樣買新車，又有另番風氣。

過新年，買新車，指的是元旦及農曆新年前，車行會有兩波催谷。時至今日，似無這支歌仔唱。

賭權開放中期，經濟高速發展，賭場生意興隆，員工收入可觀，曾有段時期掀起買新車換車潮，銀行寬鬆予供車，不少後生仔女身光頸靚，冇錢買樓索性買車，毋須講價或要求送物，豪氣干雲。賭廳更大展拳腳，大量購置較高價七人車，不少車行生意好景。

打從內地打貪，以及外圍經濟欠佳，賭廳生意一落千丈，所購七人車空置，被迫賤賣裁員，有人執到筍貨。

世事難料，突爆全球疫情，賭場曾封半月，大半年無遊客到，賭收插水，員工要放無薪假。市場失業者增，市民消費謹慎，車行生意如各行業一樣（除超市外），齊過寒冬。

未爆疫情前，經濟已放緩，車行生意難做，不時優惠促銷，搞大型車展吸引顧客。由於促銷較密，買者已八八九九，形成過新年買新車模式逐漸消散。

現時歐美疫情加劇，無一國家地區能獨善其身，經濟直線下降，就算今年有疫苗供應，亦未必百分百理想。抗疫如同打仗，須各國齊心消滅病毒。最悲觀估計，此仗可能要打兩三年，全球經濟始可回復正軌。抗疫期間，希望政府理財審慎，合理使用開支，若情況惡劣，說不定還需開展新一波經援，真要“睇餸食飯”矣。

作為澳門人，應嚴守防疫，盡市民義務，守住清零得來不易的“貞節牌坊”，老土啲管好雙腳，忍耐暫停旅遊，勿令政府及市民添亂。

希望新一年澳門重新出發，逆境挑戰，由危轉機！

羅倫斯