陳嘉桓孖細佬做直播

陳嘉桓、時裝達人David Tam日前為中環InSpireHub“聖誕市集”進行直播，期間陳嘉桓弟弟Jaxton非常黐身，不時入鏡化身做小Model，場面溫馨。陳嘉桓變身老闆娘，擺檔為顧客進行“大腦皮紋分析”：“以前節日有假放好開心，依家知道有呢個聖誕市集，一於試吓擺檔用副業搵錢。我主要客源係小朋友，加上有弟弟畀我練習，知道點同小朋友溝通，將佢哋潛能發揮。”

Jaxton年紀輕輕，已經懂得幫家姐做宣傳，成為市集的生招牌：“佢都有搵啲同學仔嚟幫襯，畀個機會佢自己賺番啲聖誕禮物錢，依家佢冇學返，都要搵地方畀佢哋放電，加上我們感情好好，成日都會帶佢出街玩，所以搞到人哋誤會係我個仔。”陳嘉桓笑指弟弟與“顧客”對答如流，大讚對方表現成熟：“之前都試過同細佬做直播帶貨，佢負責出鏡玩玩具畀意見。姊弟檔出鏡都唔會加價，最緊要佢玩得開心。”