林穎彤被髮型師整蠱爆炸頭

林穎彤(Bella)早前拍攝新一季信貸代言廣告，繼續以百變造型示人，還加入不少搞笑內容。製作團隊準備了一大箱印有Bella肖像的道具銀紙作拍攝用，非常用心。

在多個廣告造型中，Bella最喜歡是專業女郎造型，但講到最受現場工作人員歡迎的一定是爆炸頭主婦Look。Bella說：“髮型師絕對應記一功！爆炸頭上加咗幾個髮捲，令整個主婦Look搞笑有趣。其實咁多個造型中最高難度係扮OL，因為導演想拍出由早到晚的效果，我要黃昏前埋位，一直拍到日落天黑，一鏡直落，唔可以NG。我同其他幾位演員遵照導演指令去走位，前前後後拍咗超過半小時。雖然廣告出街時因為調校為快鏡，只係得幾秒，但全部人依然好用心去完成呢個鏡頭，大家都好開心、好享受。”

Bella近日在萬千星輝頒獎禮中亦獲提名角逐飛躍進步女藝人及最佳節目主持，好消息可說是接二連三。Bella笑說：“其實今年入圍對手非常強勁，能夠有提名已經好開心、好幸運。過去一年，我主力在綜藝節目，所以明年最大心願係希望觀眾可以睇到我另一面。會繼續做好主持、唱歌、拍劇，新一年最大心願係成為一個全能藝人，同時希望有機會唱到自己有份主演的劇集主題曲或者片尾曲。”