黎諾懿瘟疫暫停造人

黎諾懿前日以關愛大使身份，出席導盲犬訓練學校動土典禮，藝人文雪兒與女兒張筠亦有出席。黎諾懿除了進行動土儀式，又幫第一代導盲犬打腳印，佢覺得今次活動好有意義，係香港首間培訓學校，被委任做關懷大使大感榮幸。他說：“我先後養咗三隻拉布拉多犬，佢哋好純好乖，但我初初養佢哋時，因為做嘢太忙，冇時間，所以成日留佢一個喺屋企，之後佢無聲抗議，我返到屋企發現佢周圍屙屎，仲要將啲屎捽到成地都係，當時好嬲，之後先知佢好不滿所以咁做。”

黎諾懿又表示，有意安排八歲大的拉布拉多犬接受導盲犬訓練，雖然年齡唔細，但依然活力十足。他一直都想再生個女，被問到現在咩進度，他說：“依家疫情嚴重，如果老婆有咗會好大壓力，出出入入都唔方便，所以暫停造人大計，等疫情幾時完，我就幾時開工。”