劉浩龍男廁拍同志戲尷尬

由劉浩龍（師兄）、Mirror成員Jeremy及林子博等主演的網劇《把砒霜留給自己》今日播出。師兄飾演一名老師，與學生Jeremy發生師生戀，兩人並捲入一連串的隧道殺人案，結局出人意表。師兄首次與Jeremy合作讚口不絕：“之前有見過佢做《全民造星》，但佢唔似第一次拍戲，佢喺隧道有場戲，啲驚恐表情、內心驚慌、流眼淚，表現非常之咁好。”

師兄第一次拍師生戀亦係第一次做同志角色，其中一幕拍他和Jeremy在男廁hehe，他直言有點尷尬，但身為演員，roll了機就要去嘗試同投入，所以最後都順利拍攝。由於有幾場兇殺案戲，在又侷又濕的隧道取景，撞正師兄腰傷舊患發作，他要忍痛完成，但慶幸多得導演劉翁體諒，師兄說：“其實熱唔係最大問題，好多謝導演同crew遷就我，行每步路都係好痛，所以有啲位要頂住腰痛拍。”