杏木拼盡勝此局

今晚上演本年度壓軸戲，完結後至明年一月二日才有馬跑。今年埋尾一戰，冀馬迷可食尾餬迎新年。今季騎練競逐激烈，現龍虎榜上多人頭馬數字貼近，誰可摘冠，漫長的馬季還未知鹿死誰手。前領騎師高君濤今仗六駒出戰，座騎實力不弱，值得吼緊。

高君濤暫以十五W帶頭。此子乃冠軍級人物，唯近期反覆波動，表現時價不同。前仗起孖，上次頭馬交白卷，令捧場客失望。今仗高君濤六駒皆具實力，睇環境有馬贏，臨場留意。

第二場：四五班千五米。“浩勝寶馬”上仗千五米得第四，跑來進步不少。拼後小休重來，換上高君濤操刀配搭轉強。此駒質新不斷進步，經連仗熱身應不同估計。抽到一檔好位，形勢有利，憑人強馬壯，可爭取開齋。

第三場：三四班千二米。“杏木”上仗放頭跑輸後勁。拼後原程再戰，用上高君濤主轡配搭堅強。“杏木”拼後加強磨練，論態有增。此駒千二米起家，前速夠快，今遇同組對手弱旅居多，憑高君濤留放功夫，拼盡可勝此局。

第六場：三四班一○五○米。“浩勝奔馳”上仗同程快放，輕取對手多身位，反映馬匹表現復甦。此駒能跟可鬥，沙地實力雄厚。今次原配高君濤再戰，擺明要打鐵趁熱執多劑。今遇同組快放馬不多，出閘放順有權添食。