C君兩公婆下廚慶紙婚

“C君”鄭詩君與太太黃天頤結婚一周年，黃天頤昨日在社交網站分享照片，並留言說︰“時光未央，歲月靜好，現世安穩，念你如初。C君，紙婚快樂，繼續Happy wife Happy life。Whatapps收到好多人提我今日一周年，我記得！不過C叔凌晨四點就出門口，收工又無得堂食，唯有又出動我收埋的功力。但食物係佢買、個扒係佢煮，我煮咗個意粉。煮意粉其實好考功夫。”

黃天頤表示因香港再爆發疫情，晚市禁堂食，加上C君凌晨四時就出門開工，兩口子便留在家中下廚煮西餐慶祝結婚周年。C君負責煎扒，黃天頤就煮意粉。C君亦有轉發並留言︰“咁就一年，仲有禮物收。”他又分享太太送給他的名牌帽子的相片，以及兩人去年在婚宴上的合照。