陳嘉桓將黃宗澤降格

陳嘉桓(Rose)日前現身口罩公司的直播活動，期間發現不少新防疫產品，Rose笑言將大手入貨做聖誕禮物：“送防疫用品幾好喎，起碼又靚又實用，唔會交換完禮物就擺埋一邊，今年聖誕節會同家人一齊過。（會唔會約黃宗澤？）依家第四波疫情，唔敢周圍走，其他人少見為妙，唔係咁熟的人都係唔交流太多喇！（會送禮物畀佢？）哎呀，我揀聖誕禮物都只係畀家人同親密朋友！（將佢降級到普通朋友？）疫情下大家各有各忙，聖誕節咪陪屋企人囉。”

受疫情影響，Rose的皮紋分析課堂亦受影響，她也表示不時做足防疫措施，保護自己：“依家要改做Zoom上堂，如果要小班教學、見客的話，就要做足防疫措施，大家都安心。呢排做直播時間亦多咗，發現自己口才都有進步！初出道時大家當我係小師妹，企埋一邊唔多講說話，依家講足半個鍾都可以冇停口，希望大家都感受到我的努力。”