蒙卡破警開齋脫包尾

【本報消息】澳門盃甲組足球賽，昨晚七時氹仔運動場上演兩戰。蒙地卡羅憑下半場連入三球，贏警察三比一，煞科戰開齋兼壓過輸波的聯樂，今季不用包尾。恆勢憑泰亞高梅開二度，以三比二擊敗聯樂。

今季八戰未嘗一勝，蒙地卡羅鬥警察力爭開齋洗頹。兩隊半場互交白卷，林諾堯在六十分鐘禁區內勁射破網，為蒙卡打破僵局領先。蒙卡開缺口搶得主動，惜具威脅埋門不多。戰至八十分鐘，後備上陣的黎俊龍窩利建功，助蒙卡擴大優勢。雖然警察在四分鐘後把握蒙卡後防失誤，由陳俊輝追近。但蒙卡在補時的高空攻勢，警察的黎國豪在黎俊龍力逼下意外擺烏龍，送蒙卡贏三比一開齋。

蒙地卡羅以贏波結束今季，兼壓過輸波的聯樂升上尾二衝線。

恆勢踢聯樂墊底

恆勢迎戰聯樂開波未夠兩分鐘，即由泰亞高在門前射入閃電開紀錄，鄺偉峰在四十一分鐘頭鎚拉開紀錄。聯樂靠馬文達入波追近。泰亞高在五十四分鐘再有進帳，為恆勢再領先兩球。聯樂在尾段雖有馬文達梅開二度，但為時已晚，恆勢贏三比二，且踢多一場以一分優勢升上第七，聯樂則篤定包尾。