麥克懷特抱怨座駕被盜

疫情期間搵食艱難，唔少賊人都四出偷竊，最近卅三歲的靚仔主持人麥克懷特(Mark Wright)慘遭偷車，他在推特發帖文廣邀網友齊來幫手搵車，表示假如在Chigwell區見到黑色Range Rover運動系列兼車牌ET68LVO，請立即通知他。

麥克懷特坐擁約有二百七十萬名推特粉絲，他向網友大吐苦水，留言他只是在周末下午駕車回家，難以置信咁短時間已經失去愛車，他希望盡快搵到愛驅，免得再擔驚受怕，自覺居住環境好危險。疫情發生後，麥克已回到英國發展，開設了健身中心做老闆，目前好搵過做主持人。消息指他打算瞓身發展健身事業，無意再做太多幕前工作。