唐貝詩學做低碳甜品

唐貝詩(Lydia)、陳雅麗和蔡頌思三姝感情要好，經常聚會講減肥扮靚。自疫情爆發後，Lydia開始在家研究低碳甜品餐單，效果十分理想，人人讚好味之餘，又不會致胖。她說：“我以前真係唔識整嘢食，我都係上網睇片跟人學，又學得似模似樣。我成日焗麵包及曲奇畀朋友試，佢哋都話好好味、唔信係低碳，連糖尿病人都可以食。聽到大家的稱讚，我都好有滿足感。”

有次三個女仔聚會時一齊試食Lydia自製的低碳甜品，突然有個念頭：不如開家專賣低碳甜品的小店，以後就不需外求，自己甜品自己做。但由於資金不多，所以她們決定從網店開始，一於從小做起。從物色餅房、研究食譜、設計網店等，她們全部一腳踢，大家各自發揮所長。

她們的處女作於上月底正式推出，這聖誕零罪惡限量版曲奇禮盒內有薑餅人曲奇和抹茶麻薯曲奇，還未正式宣傳已經賣了幾百盒。三人興奮地說：“真係好感激朋友和網友的支持，開賣幾日已經再落訂單，是一個好好的開始。”未來她們還會設計更多不同的低碳甜品，希望大家都可以食到一樣的味道、不一樣的負擔，不怕胖卻享受到甜蜜的味道。