勝利鴻星漸入佳境

澳馬馬不停蹄，周六上演六場沙地賽。今次出馬疏落，戲碼平淡。騎師人手稍緊，何華麟停賽，陳卓鋒、蔡義武養傷，艾比缺陣，華洋騎師共計十二人，最多一場出馬九匹，但騎師十二人仍然患不均。現時不少二線騎者，每次只得二三駒出戰，可嘆搵食艱難。當紅炸子雞張志立騎足六場算幸運。此位華將近期搏殺頻頻贏馬，現排名榜首，人氣急升。此子來澳發展際遇較佳，連季受師傅錢健明器重，同時得張兆煊青睞，每仗供馬搏殺。早前“家裏有礦”打疊贏兩場，騎者交到功課，受練者稱讚。此雙騎練攜手摘取五冠兩季，合作無間。張志立今季矢志爭冠軍，陣上表現更進取，有馬可拼則拼。此子獲錢健明、張兆煊兩大馬房支持，有力與多位外籍大師傳分庭抗禮。

周六沙地賽已排位。第一場五六班一三五○米，錢健明旗下“勝利鴻星”上仗田中正一主轡出閘搶放，走至埋門力弱跑第三。此役雖未竟全功，但馬匹表現有長足進步。拼後小休重來，今次增程續戰，易配張志立操刀。此子有減三磅優惠，形勢逆轉。“勝利鴻星”上季初出草地無功，乃礙於稚嫩未熟，今季兩戰沙地亦落空。上次起飛搏殺跑入三甲，是在澳服役最佳名次。三歲馬實力未盡露，近期漸入佳境。

此駒現評三十一分，身處五六班作戰，計馬絕不吃虧。練者起用張志立替馬匹執韁，擺明要益徒弟，“勝利鴻星”今仗必拼盡求開齋。