吳卓羲向兩影帝偷師

兩大影帝劉德華夥拍劉青雲主演的《拆彈專家2》壓軸上映，片中有不少動作、槍戰戲，其中一幕講述香港機鐵站的反恐場面，出動過百人參演，飾演爆炸品處理課警長的吳卓羲更要來回喪跑，認真喘氣。

該片中一場反恐戲是到香港機鐵站取景。劇組出動過百臨時演員，又租用超過十數部警車、救護車、消防車等，場面逼真浩大。當中身穿制服、長靴、戴上頭盔飾演警長的吳卓羲，更要在攝氏三十度高溫下，在中環街頭拔足狂奔兼跨欄。為了拍出完美效果， 吳卓羲在鏡頭前來回喪跑多次，大汗疊細汗都毫無怨言。吳卓羲說：“體能即使應付唔到都要做，最緊要拍出來靚！其實之前已在機鐵站拍咗好多跳躍鏡頭。不過最辛苦唔係我，最辛苦係導演，拍攝咁大場面，導演兼顧係最多。”

吳卓羲透露在片中飾演劉青雲副手，兩人有不少對手戲：“上一集我跟華哥多對手戲，今次就跟青雲哥。我已經集齊晒好想合作的偶像！同佢哋合作，我會從旁觀察、吸取經驗，對我日後電影發展好有幫助。”