艾威想邀苑瓊丹做雞

艾威日前應苑瓊丹邀請，參觀她新投資的熟食工場，兩人更客串廚房技工，為食物進行加工。手法熟練的艾威，透露自己不時入廚，煮得一手好菜：“依家多了機會煮食，雖然一個人食，叫做唔同形式啦，反而可以訂晒未來一星期餐單，每日食乜都決定晒。不過依家苑仔做呢類生意，若果幫襯佢，我仲可以煩少啲。”

為宣傳新生意的苑仔不惜碌人情卡，力邀艾威拍攝宣傳片：“依家周身人情債，唯有無限量贊助老友，包晒佢哋一日三餐，等大家覺得好食再擺上網。不過我唔敢約艾威一齊食啊，因為佢次次食飯都要飲幾杯，怕佢飲醉之後會打我，咁就大件事！”

艾威透露早前有計劃投資飲食，但發現籌備過程困難重重：“我係鍾意食，都想學苑仔咁投資飲食業，不過我冇資金嘛！上兩星期都有叫苑仔‘做雞’撐我，唔好心邪諗第二樣，真係賣冰鮮雞，但發現競爭太大，冇得做。”